Vetrarfrí er í tónlistarskólanum 22. október - 29. október. Við hefjum kennslu á ný samkvæmt stundaskrá, fimmtudaginn 30. október. Við hvetjum ykkur til að nýta fríið í samverstund við hljóðfærið og lesa foreldrahandbók skólans.

Félag kennara og stjórnenda í tónlistarskólum (FT) mótmælir harðlega um sjö prósenta niðurskurði Reykjavíkurborgar á framlögum til tónlistarmenntunar barna og ungmenna. FT telur þessi áform með öllu óásættanleg og að það sé ekki verjandi að enn eigi að skerða aðgengi að tónlistarmenntun í borginni með ítrekuðum niðurskurði á framlögum til tónlistarskóla. Þá eykur það enn á alvarleika málsins að samkvæmt gögnum Reykjavíkurborgar frá árinu 2020 virðist stór hluti árganga í grunnskólum borgarinnar ekki njóta lögbundinnar tónmenntakennslu.

Tónskólinn í Reykjavík hefur bætt við glæsilegum nýjum flygli í tónleikasalinn, sem markar spennandi tímamót fyrir bæði nemendur og kennara. Hljóðfærið mun þjóna lykilhlutverki á tónleikum og í kennslu. Hljóðfærið er gætt ríkum og litríkum tón og góðum áslætti sem mun ekki einungis gera tónlistarflutning betri heldur einnig gefa nemendum reynslu við að spila á hágæða hljóðfæri. Með viðbót flygilsins vonast Tónskólinn til að eflast enn frekar sem miðstöð tónlistarnáms og tónlistarflutnings.