Menu
Ef nemandi forfallast ber að tilkynna fjarveru í gegnum Speedadmin skólaumsjónarkerfi skólans eða með tilkynningu beint til kennara. Að gefnu tilefni þarf að taka fram að ef nemandi getur einhverra hluta vegna ekki mætt í sína tíma, getur skólinn ekki bætt þá upp.
Ef kennari veikist og tími fellur niður, tilkynnir kennari sína fjarveru með tölvupósti eða símaskilaboðum til að koma í veg fyrir óþarfa ferð. Ekki er skylt að bæta upp einstaka kennslustundir sem falla niður vegna veikinda kennara. Sé kennari forfallaður í hálfan mánuð samfleytt útvegar skólinn annan kennara eða bætir upp þær kennslustundir sem hafa tapast.
Nemanda ber að mæta stundvíslega í allar kennslustundir. Síendurteknar fjarvistir án leyfis geta varðað brottvikningu úr skólanum.
Nemendur skulu ganga vel um eigur skólans, fara úr og ganga frá skóm í anddyri og hengja yfirhafnir á snaga.
Nemendur, samnemendur og kennarar sýna gagnkvæma virðingu og kurteisi. Kennarinn er þó alltaf leiðtoginn og nemendur fara eftir tilmælum kennara. Hávaði á gangi skólans truflar kennslu og því ber nemendum að sýna góða hegðun á meðan beðið er eftir tíma.
Nemendur sem taka á leigu hljóðfæri frá skólanum ber að fara vel með þau. Óheimilt er að lána hljóðfærin. Viðhald hljóðfærisins á lánstímanum og skemmdir eru á kostnað nemanda eða foreldris.
© 2024 Tónskólinn í Reykjavík